De Mëttwoch ass fir de Pierre a seng Kolleegen den Dag fir hiren Idiotendiner. De Prinzip ass einfach: Jidderee bréngt en Idiot mat, an deen, deen de gréissten Hännes matbréngt, huet gewonnen.

Dëse Mëttwoch ass de Pierre sech senger Saach ganz sécher. Hien huet de Champion vun den Toperten, de Weltmeeschter vum Dabo-Sinn, den Hännes vun den Hännessen: den Albert Becker, Comptabel um Steieramt a begeeschterte Konstrukteur vu Maquetten aus Fixspéin.

De Pierre huet säin Idiot bei sech heem invitéiert, fir en ze testen. Dono sollte si dann op den Diner goen, awer en Akzident an der Dusch mëscht dem Pierre e Stréch duerch d’Rechnung. Duerch en Hexeschoss muss en am leschten Ablack säin Dîner ofsoen. De Becker ass awer schonn ënnerwee, de Pierre konnt en net méi ofbestellen.

Wat mat engem Hexeschoss als klenge Malheur ufänkt, entwéckelt sech zu enger Katastroph …

07. Januar 2023 – 20:00 Auer
— Sold Out —
08. Januar 2023 – 15:00 Auer
— Sold Out —

iwer telefon/SMS: +352 691 849 398

„DRÄI MOL LIEWEN“ weist eis eent op eng klassesch Grondsituatioun reduzéiert Stéck fir 4 Persounen.

Zwou Koppelen, d’Männer sinn Astrophysiker, d’Fraen Akademiker, ënnerhalen sech iwwert galaktesch Halo’en (sinn déi Dénger ronn oder flaach), iwwert d’Makulatur vun enger dräijäreger Fuerschungsaarbecht, an diskutéieren parallel kontradiktoresch iwwert d’Erzéiung vun engem 6jäerege Bouf (däerf deen nach en hallwen Apel kréien, nodeems en owes d’Zänn gewäsch huet). Et entstinn ëmmer erëm Streidereien, an et kënnt zu verschiddene Koalitiounen a Konstellatiounen tëscht den zwou Koppelen, wat mer op der Bün an dräi verschiddene Versiounen (Originaltitel „Trois versions de la vie“) gewise kréien.

Pointéiert Dialoger voll mat béisem Witz, voller Aktioun an trotzdeem psychologesch déifgrënneg, weist dëst zäitloost an zugläich modernt Stéck de Konschtcharakter vum Theater, wiesselt permanent tëscht Eescht a Banalitéit.

E LACH AM HIMMEL
Zwee Deeg viru Chrëschtdag gëtt dem Theophile Mack seng Fra an d’Clinique ageliwwert. Den Theophile, e mëttelméisseg talentéierte Moler, gëtt eleng net eens doheem, fänkt an der Nuecht onmoosseg mat Saufen un, a fiert den Dag drop vun der Stad a säin Heemechtsduerf Brouch, wou hien als Bouf huet misste fort, a wou hie scho 40 Joer net méi war.
Mee hie kennt sech net méi erëm, aus sengem Heemechtshaus ass eng Frittebud ginn, dat ganzt Duerf ass kal an däischter, d’Leit bereeden sech op Chrëschtdag vir. Zréck an d’Stad kann en och net, et geet keen Zuch méi.
A senger Verzweiwlung wëllt en an d’Kierch goen, fir net an der Keelt ze sinn. Mee d’Kierch ass zou. Do geet e bäi de Paschtouer, schellt sou laang, bis dat en opgemaach kritt.
D’Haushältesch wëll hien zwar net era loossen, sou kuerz virun Hellegowend passt dat net sou richteg, mee de Paschtouer heescht dee frieme Mann wëllkomm.

De Francky, matt senger Fra Nicole, huet seng zwee Bridder an hir Fraen a säin neit Haus um Land invitéiert, wou si kierzlech ra geplënnert sinn. Seng Fra huet d’Initiative geholl och Talia, d’Sekretärin vum Francky, ze invitéieren. Domadder schéngen déi dräi Bridder awer an d’Labrenten ze kommen, well iergendwéi jiddereen d‘Talia kennt an awer och erëm net, mol méi oder manner, a si verstrécke sech an onkloeren a widdersprechlech Aussoen. Déi dräi Schwéieschen, all komplett verschidden vum Charakter, sinn doduerch konfrontéiert matt Jalousie a Mësstrauen, an verdächtegen hir Männer eppes ze verheemlechen.

Sou kënnt et zu engem spannenden an amüsanten Owend, gefëllt mat Ligen, Onsécherheeten, Rivalitéiten, wou jidderee probéiert dat Bescht aus senger Situatioun ze maachen.

Eng franséisch Comédie, déi en Abléck hannert  Fassaden vun enger Famill gëtt. Voll mat Klischeeën, Witz a Subtilitéiten, wou e sech als Spectateur och erëmfanne kann.

Grad um Dorothe sengem 76ste Gebuertsdag brécht d‘Anette matt sengem Frënd, den Donald, bei him an.

Dat duerchgeknalltend Weib, dem säi Lieblingsfilm “Pulp fiction“ ass, sicht den ultimative Kick, a spillt déi haart Verbriecherbraut.

Awer sou einfach geet dat net matt denen ale Bomen. D’Théa a seng Frëndinnen lossen sech net alles gefalen……

Régie: Frank Leonardy
Assistenz: Fernande Lanners, Paula Goebbels
Technik: Gérard Schockmel, Noah Werner
Mask: Carole Spinelli, Nathalie Dos Santos

De Kidnapping

e Stéck vum Hinrich Heselmeyer,
iwwersat vum Marthy Thull

Dat klengt Emma ass entfouert ginn. Awer amplaz sech drëms ze bekëmmeren, datt d’Emma rëmm fräi kënnt ass d’Famill méi matt hiren eegene Problemer beschäftegt.

D’Kidnapper hätte gär honnertdausend Euro, awer de Chris schéint faillit ze sinn. An da kënnt eng onerwaarten Hëllef.

No an no stellt sech raus, datt jidfereen seng Geheimnisser huet.

T’Mamm ass an t’Kur. Dass dann de Papp mol een iwert den Duuscht drénkt, a moies den Toast verbrennt, schéngt dann nët méi wéi normal. Mee nët normal sinn déi méi wéi bosseg Diskussiounen, déi de Papp an de Jong doriwwer féieren.

Do geet et ëm Aarbecht a Krankheet. De Bouf huet frei, an « erfreet » säin Papp mat engem Zaubertrick, den awer schonn e puermol net geklappt huet. Natielech sinn och t’Fraen an t’Bestueden en Thema.Obwuel de Papp sengem Bouf dovunner ofréit, wëll de Jong sech awer bestueden, a wëll vum Papp erkläert kréien wéi en sech soll uleeën. Fro ass am Endeffekt, wien dann iwwerhaapt de Chef doheem ass.

Produktioun a Regie: Liette Engel, René Engel
Assistenz: Pitti Feyder
Technik: Gérard Schockmel
Mask: Carole Spinelli

D’Geschicht spillt 30 Joer nom Zweete Weltkrich an engem fiktive Land mat fiktive Protagonisten, nëmmen d’Aktrissen op der Bühn si reell.

Wourëms et geet: D’Äerd ass eng Scheif, d’Sonn geet op an ënner well se sech ronderëm d’Äerd dréit. Alles ass Distraktioun, näischt ergëtt e Sënn.

Op der Bühn: Liette Engel, Myreille Plumer, Fabienne Schaack
Technik: Gérard Schockmel
Mask: Carole Spinelli
Assistenz: Pitti Feyder
Produktioun a Regie: Joe Heintzen

E Fluchhafen ass e representative Queeschschnëtt vun der Gesellschaft. Hei komme ganz ënnerschiddlech Leit zesummen, déi sech wuel kaum am Alldag géife begéinen. Do sëtzt e Museksstudent, deen op en internationale Museksconcours wëllt fléien, an deem seng Zukunft dovunner ofhänkt. Do steet e Geschäftsmann mat enger dubiéiser Vergaangenheet. Niewent him sëtzt eng Botzfra, déi an engem Bordell schafft. Am Eck steet eng Fra, déi vu jidderengem fir eng “gro Maus”  gehale gëtt.

Déi, an nach aner Leit géifen sech nimools begéine wann et net zu sou engem onerwaarten Tëschefall komm wier.

Et stellt sech eraus, datt d’Loftgesellschaft, déi hinnen Tickete verkaaft huet, faillite gaangen ass. An duerfir flitt de Fliger net. Dat zwéngt d’Leit no enger Léisung ze sichen. Jidderee probéiert eleng, bis se op d’Iddi kommen de Fliger ze besetzen, an de Vol ze forcéieren.

An deem Moment entdeckt all Eenzelen aner Säite vu sech selwer, déi d’Liewen an de Charakter vun den Helden op d’Prouf stellen.

D’Giulia huet et net einfach a séngem Liewen. An der Schoul gëtt hatt als Streberin veruecht an ass net besonnesch beléift. Ëmmer rëm gëtt hatt vun enger Jugendgang drangsaléiert.

Och doheem leeft net alles wéi et soll.

D’Spillsucht vum Papp mécht d’Liewen vum Giulia a sénger Mamm zimlech schwéier.

Hoffnung an Oflenkung fënd d’Giulia beim schreiwen vun Gedichter a klengen Geschichten, wou hat déi alldäglech Suergen vir e Moment vergiesse kann. Séng Frëndin Satkin steet him ëmmer zur Säit.

Enges Dags entdeckt d’Giulia eng al Schreiwmaschinn an engem Antiquitéitebuttik op der hatt elo séng Gedichter an Geschichten schreiwt. Op emol geet dem Giulia alles an d’Rei, all séng Wënsch ginn him an Erfëllung.

Mee, dem Giulia säi Gléck huet awer och Niewewierkungen…

Aus de Regie-Uweisungen: Dräi Frënn, de Max, de Paul an de Simon treffen sech fir Kaart ze spillen. Si sinn zënter 35 Joer Frënn. Et spillt am Max sengem Appartement, wat onperséinlech, streng a minimalistesch an ouni Dekoratiounen ausgesäit. D’Aktioun spillt an dräi Deeler, mat puer Stonnen Ofstand. Am Living sti vill al Vinyl-Placken.

Aus der Story: Anscheinend huet de Simon seng Fra ëm den Eck bruecht. Dat versprécht!

Op der Bühn: René Engel, Georges Kremer a Frank Leonardy
Bühn: Tania Kremer-Sossong
Technik: Gérard Schockmel
Regie: Joe Heintzen

Gescheet oder Wittfra oder Laangzäit-Single: Si fillen sech net al, mee aleng.

An si erwaarde sech vun engem Flirt-Cours 50+ professionell Hëllef, fir en neie Partner ze fannen.

Mee alles wat d’Jeanne a sengem Cours matt de Kandidaten ausprobéiert, bréngt et net. De Cours schéngt an d’Box ze goen.

Hei geheien si d’Jeanne virun d’Dir an ergräife selwer d’Initiative. Soll dat alt eppes ginn? Et weess een et net.

Dem Cathy séng Elteren sinn iwwert de Weekend fort gefuer an d’Cathy wollt eigentlech nëmmen séng Frëndin d’Lena op en gemittlechen Owend invitéieren.

Awer de Moien duerno gesäit alles anéscht aus.

Vu wou koumen di aner Leit hier? Wiem gehéiert de Casque? Wouhier huet d’Jana de Gaardenzwerg? Wat maachen di zwee am Schlofsak? Wien huet di Pizza bruecht? An firwat steet den Policeauto virun der Dier?

Et gëtt sou munches ze kläeren…

Fënnef besuergt Elteren preparéieren bäi engem spontanen Elterenowend eng Entrevue mat der Joffer Müller, well se fäerten, dass hier Kanner no dësem Schouljoer d’Orientéierung an de Classic net packen.

Si si fest dovun iwwerzeegt, dat mat enger Ofsetzung vun der Léierin nach eppes ze retten ass. Mä, d’Joffer Müller spillt net mat.

Da brieche bei den dach sou perfekte Mammen an Pappen all Virbehalter a Ressentimenter, Zweiwel a Suergen, Gehässegkeeten an Ängschten ervir.

D’Schluecht fänkt sou richteg un…